Reviews for குறும்படைப்பு: அறம் - சிறுகதை

எழுத்தாளரின் நிலை பரிதாபத்தையும் நெகிழ்ச்சியையும் ஏற்படுத்துகிறது. அறம் வீண்போவதில்லை என்பதை உணர்த்தும் கதை. வட்டார மொழி சற்றுக் கடினமாக இருந்தாலும், கதைக்களத்துக்குள் அழைத்துச் செல்கிறது.

வாசகருக்குச் சொல்ல வரும் செய்தியை ‘அறம்’ என்ற தலைப்பே உணர்த்திவிடுகிறது.

பிறரது உழைப்பை அலட்சியப்படுத்தாமல் அறத்தோடு வாழ வேண்டியதன் அவசியத்தை வலியுறுத்தும் சிறுகதை. வலுவான கதாபாத்திரங்கள் நீடித்த தாக்கத்தை ஏற்படுத்துகின்றன. படிக்க வேண்டிய நல்ல கதை.

வறுமையில் வாடும் எழுத்தாளரின் துயரத்தையும் நெருக்கடியையும் ஜெயமோகன் உணர்வுபூர்வமாகச் சித்தரிக்கிறார். மனித உணர்வுகளை வெளிப்படுத்துவதில் அவரது திறமை இந்தச் சிறுகதையில் நன்றாகத் தெரிகிறது. அறநெறிகளுக்கு மதிப்பு குறைந்துவரும் சூழலில், சுருக்கமான கதைக்குள் மனசாட்சியைத் தட்டி எழுப்புகிறார். அறத்தின் தேவையை உணர்த்தும், அவசியம் வாசிக்க வேண்டிய கதை.

மறக்க முடியாத நூல்.

அருமை.

அறத்தின் வலிமையை உணர்த்தும் அருமையான கதை. மூத்த எழுத்தாளரை ஆசிரியர் சந்தித்துப் பேசும் உத்தி வாசிப்புக்குச் சுவை சேர்க்கிறது. புதுமைப்பித்தனின் எழுத்துகளை இடையிடையே குறிப்பிடுவதும், அன்றாடச் செயல்களைக்கூட அழகாக விவரிப்பதும் சிறப்பு. கூர்மையான வசனங்களுடன் கதை விறுவிறுப்பாக நகர்கிறது. சங்கீதம், வெற்றிலைப் பழக்கம், காபி, சரிகை நெசவு எனக் கும்பகோணத்தின் பழைய வாழ்வை நினைவூட்டும் விவரங்கள் மனதை ஈர்க்கின்றன.

சிலப்பதிகாரத்தில் வெளிப்படும் அறத்தின் வலிமையை ஒரு மனிதனின் அனுபவத்தின் வழியே உணர்த்துகிறது ஜெயமோகனின் அறம். எழுதியதற்குரிய பணத்தைப் பெற முடியாமல் ஏமாற்றப்படும் மூத்த எழுத்தாளரின் கதை இது. குறிப்பாக ஆச்சி அறத்துக்காக நிற்கும் தருணம் முக்கியமானது; அவளை நவீன கண்ணகியாகப் பார்க்க வைக்கிறது. செட்டியாரிடம் இல்லாத அறம் ஆச்சியிடம் வெளிப்படுவதே கதையின் முக்கிய அம்சம்.