2025 ஆம் ஆண்டிற்கான சாகித்திய அகாதெமி யுவ புரஸ்கார் விருது பெற்ற இந்தச் சிறுகதைத் தொகுப்பு, இளம் தலைமுறை எழுத்தின் நம்பிக்கையாகத் திகழ்கிறது. நிலம், இயற்கை, தொன்மம், காமம் மற்றும் மாய யதார்த்தம் எனப் பல வேறுபட்ட தளங்களில் இந்த இளம் எழுத்தாளரின் புனைவுகள் விரிகின்றன. மனித வாழ்க்கையின் உள்ளார்ந்த ரகசியங்களையும் இருத்தலியல் சிக்கல்களையும் முற்றிலும் புதிய நடையில் இவர் கையாண்டுள்ளார். தமிழ் இலக்கியத்தின் அடுத்த கட்ட நகர்வை அறிந்துகொள்ள விரும்பும் அனைவரும் படிக்க வேண்டிய புத்தகம்.