கோச்சடையான் ரணதீரன் சாளுக்கிய விக்ரமாதித்தனை வெல்வதைச் சொல்லும் கதையில் பெரும்பகுதி புனைவாகவே தோன்றுகிறது. ரஜினியை நினைவூட்டும் அட்டைப்படமே ஒரு ஈர்ப்பு. கோச்சடையான் திரைப்படம் வருவதற்கு முன் அதன் பரபரப்பைப் பயன்படுத்திக்கொள்ளும் நோக்கில் புத்தகம் வெளியிடப்பட்டதோ என்ற சந்தேகமும் எழுகிறது.

பாண்டிய இளவரசன் கோச்சடையானின் அறிவுத்திறனையும் நட்பு, காதலுக்காக அவன் மேற்கொள்ளும் முயற்சிகளையும் சொல்லும் கதை. அவனது வரலாறு இன்னும் விரிவாகச் சொல்லப்பட்டிருக்கலாம். பல்லவ இளவரசி பதுமகோனையுடனான காதலும் எதிர்பார்த்த அளவுக்கு அமையவில்லை. ஒருமுறை வாசிக்கலாம்.