அருமை!

ஆசிரியரின் எழுத்துநடையே நூலின் பலம். கடலைப் பார்த்திராதவர்களும் எளிதில் புரிந்துகொள்ளும் அளவுக்குத் தெளிவாக விவரிக்கிறார்.

கப்பல் வேலை, விடுமுறை, சம்பளம் பற்றிய பொதுவான எண்ணங்களை இந்த அனுபவக் கட்டுரைகள் கேள்விக்குள்ளாக்குகின்றன. பல நாடுகளின் துறைமுகங்கள், கப்பலின் இயக்கம், கடற்கொள்ளை அபாயங்கள், பணிச்சிக்கல்கள் எனக் கடல் வாழ்க்கையின் பல பக்கங்கள் விரிகின்றன. மனிதர்களுடனான சந்திப்புகளும் அச்சமூட்டும் நிகழ்வுகளும் ஆச்சரியமளிக்கின்றன. நல்ல சம்பளத்தின் பின்னால், கடலில் இருக்கும் நாட்களெல்லாம் விடுமுறையின்றி உழைக்க வேண்டிய நிலை இருப்பதையும் நூல் எடுத்துரைக்கிறது.

கணேசனுடன் சுவாரசியமான பயணத்தைத் தரும் நல்ல நூல்.

மிகச் சிறந்த கடல் அனுபவங்களைத் தரும் நூல். முடிக்கும்போது இன்னும் தொடர்ந்து எழுதியிருக்கலாமே என்ற ஆசை எழுகிறது.