Reviews for காணாமல் போன தேசங்கள்

சுவாரசியமான நூல்; பயணத்தின்போது வாசிக்க ஏற்றது.

வரலாற்றுத் தகவல்களை அறிந்துகொள்ள உதவும் நல்ல நூல். வாசிக்கப் பரிந்துரைக்கலாம்.

தேசங்கள் பிளவுபடுவதற்கான காரணங்களை வரலாற்று நிகழ்வுகளுடன் எளிமையாகவும் சுருக்கமாகவும் விளக்குகிறார் நிர்மல். பல மொழிகளையும் இனங்களையும் பண்பாடுகளையும் உள்ளடக்கி, சமூகநீதியை மதிக்கும் தேசிய உணர்வின் முக்கியத்துவத்தைச் சுவிட்சர்லாந்தின் வரலாற்று வழியாக உணர்த்துகிறார். கூட்டாட்சியும் மாநில சுயாட்சியும் தரக்கூடிய பலன்களை ஓரளவு புரிந்துகொள்ள உதவும் நூல். அனைவரும், குறிப்பாக மாணவர்கள் வாசிக்க வேண்டியது.

வீழ்ச்சியடைந்த நாடுகளோடு சிறப்பாக முன்னேறிய இரு நாடுகளையும் நிர்மல் அறிமுகப்படுத்துகிறார். அரசியல் அமைப்புகளின் குறைபாடுகளும் வளர்ச்சி வாய்ப்புகளைப் பயன்படுத்தத் தவறுவதும் நாடுகளை எப்படிப் பாதிக்கின்றன என்பதைத் தெளிவாக விளக்குகிறார். தேர்ந்தெடுத்த நாடுகளின் வரலாறும் தடையற்ற நடையும் வாசிப்பைச் சுவையாக்குகின்றன. இந்தியாவின் நிலை குறித்த ஒப்பீடுகள் எச்சரிக்கையாக அமைகின்றன. இறுதியில் உள்ள துணைநூல் பட்டியல் உழைப்பைக் காட்டுகிறது. மாணவர்கள், வரலாற்று ஆர்வலர்கள், அரசியல்வாதிகள் என அனைவரும் வாசித்துப் பாதுகாக்க வேண்டிய நூல்.

ஒரு தேசத்தை உருவாக்குவதும் சிதைப்பதும் எவை என்ற கேள்விக்குப் பதில் கிடைத்த உணர்வைத் தருகிறது. அனைவரும் புரிந்துகொள்ள வேண்டிய விஷயங்களை எடுத்துரைக்கும் நூல். இந்தியா, இலங்கை ஆகிய நாடுகளின் நிகழ்வுகளை உதாரணங்களாகக் கொண்டு விளக்கியிருப்பது சிறப்பு. இதன் தொடர்ச்சியாக ஆசிரியர் மேலும் நூல்கள் எழுத வேண்டும் என்ற எதிர்பார்ப்பை ஏற்படுத்துகிறது.

தேசங்கள் உருவாவதும் அழிவதும் எப்படி என்பதை எளிமையாகவும் ஆழமாகவும் விளக்கும் சிறந்த நூல்.

நாடுகளின் பெயர்களையும் தலைநகரங்களையும் அறிவதைக் கடந்து, அவை உருவாவதற்கும் சிதைவதற்குமான காரணங்களை அறிமுகப்படுத்தும் நூல். இனம், மதம், அரசியல், பொருளாதாரம் ஆகியவை ஒரு தேசத்தின் வளர்ச்சியையும் வீழ்ச்சியையும் எவ்வாறு தீர்மானிக்கின்றன என்பதைப் பல நாடுகளின் வரலாற்றின் வழியே பார்க்க முடிகிறது. சுவிட்சர்லாந்தின் கூட்டாட்சி, யுகஸ்லோவியாவின் பிளவு உள்ளிட்ட வெவ்வேறு அனுபவங்களை அறிய உதவும் தரமான புத்தகம்; தவறவிடாமல் வாசிக்கலாம்.

வகுப்புவாதம், பிரிவினைவாதம், வலதுசாரி அரசியல் ஆகியவை நிலவும் சூழலில் வாசிக்க வேண்டிய பயனுள்ள நூல். பல நாடுகளின் உள்நாட்டுப் பிளவுகளையும் அரசியல் வரலாற்றையும் கொண்டு இந்தியர்கள் கற்றுக்கொள்ள வேண்டிய பாடங்களை நிர்மல் எடுத்துரைக்கிறார். மொழி, இனம், மதம் சார்ந்த வேறுபாடுகளை அழிக்காமல், அவற்றை நமது அடையாளங்களாக ஏற்று ஒற்றுமையுடன் முன்னேற வேண்டியதன் அவசியத்தை உணர்த்துகிறது. குறிப்பாக மாணவர்களுக்கும் இளைஞர்களுக்கும் பரிந்துரைக்கலாம்.