நிலவு ஆராய்ச்சியின் வரலாற்றையும் சந்திரயான் திட்டத்தின் கருவிகள், சோதனைகள், அடுத்தகட்ட முயற்சிகளையும் சரவணகார்த்திகேயன் எளிய தமிழில் விளக்குகிறார். விறுவிறுப்பான முன்னுரைக்குப் பிறகு நூலின் வேகம் சற்றுக் குறைவதாகத் தோன்றுகிறது. தமிழ்க் கலைச்சொற்களுடன் ஆங்கிலச் சொற்களையும் தருவது சிறப்பு; நேரக்கோடும் மேலதிக வாசிப்புக்கான சுட்டிகளும் உதவுகின்றன. சில எழுத்துப் பிழைகள், தொடக்கத்து ஆங்கில மேற்கோள், அறிவியல் நூலில் புராணக் குறிப்புகள் ஆகியவை சிறு நெருடல்கள். எனினும் நூலின் சுவையைக் குறைக்காத இக்குறைகளைக் கடந்து, வாங்கிப் படிக்கத் தகுந்த அறிவியல் நூல்.