Reviews for பாரதி நினைவுகள்

பாரதியை நன்கு அறிந்த யதுகிரி அம்மாள் தொகுத்த அருமையான நினைவுகள். அவரது உண்மையான வாழ்க்கையை அறியத் தரும் பதிவு.

சுவாரஸ்யமும் சோகமும் கலந்த பாரதியின் வாழ்க்கையை மிகுந்த அன்போடு பதிவு செய்த அருமையான நூல். அவரது குடும்பத்தினர்கூட இவ்வளவு மனம் ஒன்றி எழுதியிருக்க முடியுமா என்று எண்ண வைக்கும் அளவுக்கு எழுத்தில் நெருக்கம் தெரிகிறது.

பாரதியின் அன்பைப் பெற்ற யதுகிரி அம்மாள், அவரது பல்வேறு பரிமாணங்களை வெளிக்காட்டுகிறார். வாசிக்க வேண்டிய புத்தகம்.

பாரதியுடன் பழகியவரின் நினைவுகள் அடங்கிய மிக அருமையான நூல்.

சிறுமியாக இருந்தபோது பாரதியுடன் பழகிய யதுகிரி அம்மாளின் பார்வையில் அவரை அறிமுகப்படுத்தும் சுவாரஸ்யமான நூல். புகழ்பெற்ற பாடல்கள் உருவான சூழல்களோடு, காலத்துக்கு முன்னால் சிந்தித்த அவரது ஆளுமையையும் எடுத்துக்காட்டுகிறது. எழுத்தாலும் பாடல்களாலும் விடுதலை உணர்வை ஊட்டிய கவிஞரை நெருக்கமாக அறிய விரும்புவோர் படிக்க வேண்டிய நூல்.

புதுவையில் பாரதியுடன் பழகிய நாட்களை யதுகிரி அம்மாள் விவரிக்கும் விதம் அவரை அருகிலிருந்து அறியும் உணர்வைத் தருகிறது. பல பாடல்கள் உருவான பின்னணியும், பிறரிடம் கேட்ட மெட்டுகளில் அவர் பாடல்கள் இயற்றியதும் மீண்டும் வாசிக்கத் தூண்டுகின்றன. குடும்பச் சண்டைகள், சோர்வான தருணங்கள், குழந்தைகளுக்குச் சொல்லும் விளக்கங்கள் எனப் பாரதியின் பல முகங்கள் தெரிய வருகின்றன. அவரது குரல் பதிவாகாமல் போன வருத்தத்தையும் ஏற்படுத்தும், படிக்க வேண்டிய நூல்.

தமிழ் வாசிக்கத் தெரிந்த அனைவரும் தவறாமல் படிக்க வேண்டிய அருமையான நூல்.