தொல்லியலில் ஆர்வமுள்ளவர்களுக்கு ஏராளமான தகவல்களைத் தரும் நூல். துறை சார்ந்த அடிப்படை அறிமுகமும் விரிவான விவரங்களும் உள்ளன.

உலகின் பழமையான தொல்லியல் தடங்களை அறிமுகப்படுத்திவிட்டு, அவற்றுக்கு இணையான தமிழகச் சான்றுகளை விளக்கும் முறை வாசிப்பில் ஆர்வத்தைத் தூண்டுகிறது. அதிகம் அறியப்படாத தகவல்கள் பல உள்ளன. பெண் தெய்வ வழிபாடு உள்ளிட்ட பல்வேறு பொருள்களைத் தொட்டு, உலக வரலாற்றையும் தமிழக வரலாற்றையும் சுவாரசியமாக எடுத்துச் சொல்கிறது.

அதிகம் அறியப்படாத தமிழகத் தொல்லியல் தளங்களை ஆர்வமூட்டும் வகையில் அறிமுகப்படுத்துகிறது. உலகத் தொல்லியல் சான்றுகளையும் அன்றாடப் பொருள்களையும் தொடக்கமாகக் கொண்டு ஒவ்வொரு தளத்தையும் அணுகுவது சிறப்பு; அறிவியல் சொற்களைத் தமிழில் தருவதும் பாராட்டுக்குரியது. சில தகவல்கள் மேலோட்டமாகக் கடக்கப்படுவதும், இடையிடையே வரும் பெட்டிச் செய்திகள் வாசிப்பைத் தடுப்பதும் குறைகள். அவற்றைத் தனி இயலாகத் தொகுத்திருக்கலாம். இருப்பினும் தொல்லியலிலும் பண்டைத் தமிழக வரலாற்றிலும் ஆர்வமுள்ளவர்கள் வாசிக்க வேண்டிய நூல்.

சில பயனுள்ள தகவல்கள் இருந்தாலும், இணையக் கட்டுரைகளையும் துணுக்குகளையும் தொகுத்தது போன்ற நூல். மனிதப் பரிணாமம், குதிரைகளின் வரலாறு குறித்த காலக்கணக்குகள் ஒன்றுக்கொன்று முரண்படுவதாகத் தோன்றிக் குழப்பமளிக்கின்றன. பெயர்களைத் தமிழில் மட்டும் தருவது மேலதிகத் தேடலைக் கடினமாக்குகிறது. பெண் தெய்வங்களுக்கு அளிக்கும் அதிக முக்கியத்துவமும் ஆண், பெண் வரலாற்றுப் பாத்திரங்களைக் குறிப்பிடுவதில் மரியாதை வேறுபாடும் சார்பாகத் தோன்றுகின்றன. தொல்லியல் நூலுக்குத் தேவையான துல்லியமும் நேர்த்தியும் இல்லை என்பதே முக்கியக் குறை.